|
|
اطــــرخ بـدنـيــا اصــحـــاب رزات الازوال اللـي لـيـا جــت حاجـتـك مــا وجـدهـا |
|
الـلـي قلـيـل المـرجـلـه مـالــه افـعــال وان كـان لـك وقفـات ضـحـك وجحـدهـا |
|
هــذا مـخـاوي الـذيـب يـالـتـرف رحـــال لوضـايـقـك لـحـظـه تـــرا مـــا قـصـدهــا |
|
ادمــــح لـــــه الــزلـــه ولاهـــــوب زلال ولاهــــوب راعـيـهــا ولا مــــن وردهــــا |
|
يعـطـي ويعـطـي مــن عطـايـاه وجــزال ماكسـر احسـابـه ولا احـصـى عـددهـا |
|
مـرفـوع راس ايـديــه خـطــلات وطـــوال والمعضـلـه وان جــات قـــام وفـصـدهـا |
|
مطنـوخ راي ومــن ظـهـر صـلـب رجــال ولا يعـطـي الكـلـمـه ويـخـلـف وعـدهــا |
|
يشـوف قــدم خــلاف ويمـيـن وشـمـال وان هـبــت الـعـوجـاء بـفـكـره رصـدهــا |
|
ولاهـــــوب هـــــراج ولـلـقـيــل نــقـــال هـذي علومـك تسمـعـك فــي لحـدهـا |
|
وان عــدوا اهــل الــذود يـاهـيـه وبـــال عـفـر ومجاهـيـم النضـا(1)مـن فـردهــا |
|
شـاريـك واثــر لبيعـتـه عـنــدك اجـــلال غـدرت بــه بالساطـيـه مــن كـردهـا(2) |
|
ولاهـوب مـن غـنـى عـلـى كــل مــوال ولا وصــف الـعـذرى وقـسـم جسـدهـا |
|
ولاجــــاب طــاروقــه وغــنــاه مـخـتــال ولا طــــول ابـيـاتــه وتـكـتــك عـمـدهــا |
|
هـذي بنـات افكـار مـن شـاف الاهــوال كـلـن عـلـى لـيـلاه ليـلـى (3)عـقـدهـا |
|
طـاف البـحـر كـلـه مــن الـجـال للـجـال دنـيـا(ن)تـروع مـــن بـعـيـنـه شـهـدهــا |
|
عاشرت فيها اجناس من كل الاشكـال واخـــذت صافـيـهـا وغـيــري عـصـدهــا |
|
لاشـك لـي وقفـات مـع بـعـض الانــذال مـانـيـب ذاكـرهــا وابـنـسـى عـهـدهــا |
|
مير اسمحي لي ياعسا فالك الفال(4) مـلـيـت مـــن قـصــه وكـلــن ســردهــا |
|
تبـقـى وانــا ابـقـى للثـقـيـلات حـمــال يـحـس بالنعـمـه شـكــور(ن) حـمـدهـا |
|
قـــد قـالـهـا بـنــدر جـزيــلات الامــثــال مـاكــل مـــن هـــاز الطـويـلـه صـعـدهـا |
|
|